NIELIT Job Fair buatsaih a ni

National Institute of Electronics and Information Technology (NIELIT) leh Mizo Zirlai Pawl chuan nimin khan Aijal Club Park-ah NIELIT Job Fair an buatsaih a, Information & Communication Technology secretary Lalramnghaka Sailo-in a hmanpui.

Job Fair-ah hian sumdawnna company hrang hrang - automobile, construction, information technology, software firm, telecom leh consultation firm-te'n stall 15 an hawng a; zirlai leh ṭhalai hna zawng mekte tan hna awm theite kawhhmuhin, hnaruak awmte an hrilhfiah a ni.

Lalramsanga Sailo chuan, NIELIT Job Fair buatsaih a ni leh firm hrang hrang inphote inpekna lawmawm a tih thu sawiin, "Ṭhalaite'n employment exchange-in sorkar hna ruak a phochhuahte hi hmang ṭangkai se, degree certificate mai piah lamah soft skill a pawimawh a, mi biangbiak thiamna leh mahni inphochhuah thiamte a pawimawh," a ti a; mahni theihna phochhuah thiam a pawimawh thu leh Hindi ṭawng thiam a pawimawh thu a sawi.

Job Fair-ah hian khualzahawm Angela Zothanpuii, LESDE secretary leh MZP vice president C Lalremruata leh firm inphochhuak aiawhte'n thu an sawi bawk.