Hriselnaa hmasawnna atan theihtawp chhuah ka tum - Lalrinpuii

Health & Family Welfare minister Lalrinpuii chuan December 12, Thawhlehni tlai khan HFW department hnuaia directorate hrang hranga hotute a pisaah a kâwm a; hriselna lamah Mizoramin hma a sawn theih nan theihtawp chhuah a tum thu a sawi.

Lalrinpuii chuan, hriselna lamah Mizoramin hma a sawn theihna tura a hmachhawpte a hlawhtlin theih nan HFW department hnuaia thawkte zawng zawng thawhpuiah a sáwm a, inthlahdah lo tur leh taima taka thawk turin a chah.

Theihtawp chhuaha thawk chhunzawm zel tura ngenin HFW Minister chuan, "Kum nga chhung ngeia Mizoram healthcare system tidanglam dawrh thei tura theihtawp min chhuahpui ka beisei a ni," a ti.

Ṭhutkhawmah hian HFW department hnuaia directorate hrang hrang hotute'n an hmalakna leh an hmachhawpte a lem nen Health Minister an hrilhfiah a ni.