JL H/S golden jubilee lawm

JL High School chuan nimin khan kum 50-na, golden jubilee an lawm a, khuallian Lalramthianghlima, Aizawl district Education officer-in jubilee lungphun a hawng. Jubilee lawmnaah hian J Lianchungnunga leh headmaster hmasa ber K Lawmzuala chawimawina hun hman a ni a, tlaiah jubilee lawmna ruai ṭheh a ni.

JL H/S hi kum 1973-ah Khatla khawtlangin an din a, J Lianchungnunga'n sikul din ṭanna tur sum a thawh avangin JL H/S tih hming vuah a ni. Kum 1996-a higher secondary school kalpui ṭan a nih khan JL H/S-ah pawh kalpui ve nghal a ni bawk.