Cabinet-in thlai lei nan budget-ah cheng vbc. 150 dah a rêl

December 13, Nilaini khan Assembly Recess Room-ah chief minister Lalduhoma kaihhruaiin Council of Ministers ṭhutkhawm hmasa ber neih a ni a; sorkar kum thar, 2024-25 budget-ah thlai thar leina turin cheng vbc. 150 dah an rêl a, Hand Holding Policy atan Finance-ah budget dah an rel bawk.

Cabinet meeting chuan, sorkar pisaa zu leh ruihhlo lam chi reng reng tih (consume) khap bur an rel. Sorkar pisate chu venhimna mumal tak siam a, fai taka enkawl tur a ni a, CCTV hman theiha awmtir turin an rel a ni.

Lengpui Airport chu Airport Authority of India hnena hlan turin hmalak an rel a; Zoram Medical College pawh sorkar laipui hnena hlan tura hmalak an rêl bawk.