Manipur buaina vanga ráltlân mi 11,991 Mizoramah an awm

Manipur tualchhung buaina vanga sahimna zawnga ráltlân Mizoramah mi 11,991 an awm mek a, an zinga mi 2,537 chu relief camp-ah an awm.

Mizoram Police chhinchhiah danin, December 6, 2023 thleng khan Manipur aṭanga rawn raltlan mi 11,991 an awm a, an tan relief camp 32 siam niin, camp-ah mi 2,537 an awm a, a bak mi 9,454 chu in luah leh an chhungkhat lainate belin an awm thung.

Manipur ráltlân awm tamna ber district, Aizawlah mi 4,429 an awm a, Hnahthial district-ah Manipur raltlan an awm lo.