Minister-in Winter Fest a hmanpui

School Education minister Dr Vanlalthlana chuan nimin khan Pachhunga University College Multipurpose Hall-ah Home Missions School Winter Fest a hmanpui.

Education Minister chuan zirlaite fuihna thu sawiin, an thil tumah tluk palh hlau lo tur leh an hlawhtlinna tura tumruh turin a chah a, zirlaite hnenah tun a din hmun thleng tura a zinkawng te leh mi hlawhtling, ramhruaitu a mi hriatte thil tawnte a sawi.

Dr Vanlalthlana chuan zirlaite tana tumruhna leh taihmahna pawimawh zia leh hlawhtlinna kawnga harsatna paltlang ngaite sawiin, zirlaite chu beiseina eng nena hmalam pan zel turin a fuih.

Home Missions School hi kum 1985-ah din niin, tunah hian Aizawlah branch pali awmin, Champhai leh Kolasibah a awm bawk a ni.