X-ray khawl hlàn

Deputy chief minister hlui Tawnluia chuan nimin khan a bial hluia Khawzawl District Hospital hnenah portable x-ray khawl a hlan.

Khawl hlan puala inkhawmah Tawnluia chuan, August 12, 2019-ah Khawzawl district a kal ṭan thu sawiin, "District-in a ken pakhat Khawzawl damdawi-in hmasawnna turin theihtawp ka chhuah ṭhin a, Covid vanga sorkar sum harsatna avangin duh anga hmasawn a har. CMO office tur sak zawh a ni a, khum 50 awmna tur cheng vbc. 1,500 ruahman hman a ni," a ti.

Portable x-ray khawl hi Tawnluia'n Formasa Foundation CSR fund aṭanga a dil chhuah a ni a, Rs 12,00,000 man a ni.