Chhawrtui khaw kum 50-na lawm

Chhawrtui khua chuan nimin khan an khaw kum 50-na, golden jubilee an lawm a, haw rûnpui an buatsaih nghal. Khawzawl district bawrhsap K Lalrohlua'n hmanpuiin, Rashtriya Gram Swaraj Abhiyan kaltlanga Rs 10,00,000 senga sak Chhawrtui VC House a hawng.

Chhawrtui khua hi Mizo lal Lalburha'n kum 1903 khan a luah a, kum 1968 khan rambuai avangin Khawhaiah sâwi khâwm an ni. Kum 1973 khan khaw hluiah an lêt leh a, kum 2023 hi mei mit loa kum 50 Chhawrtui an luah champha a ni. Jubilee lawmna leh hawrunpui hi December 12, 2023-ah an hmang ṭan a ni.