Hman khat daih sarâng hmang lo turin kohhran ngen

Mizoram Pollution Control Board (MPCB) chuan thuchhuah siamin, Krismas leh kumthar thleng turah ruai leh a kaihhnawih thil hrang hrangah sorkar dàn zàwma, hman khat daih sarâng (single use plastic) hmang lo tur leh ṭawih thei chi leh hman nawn theih chi thlêng, no leh fiante hmang turin kohhrante an ngen.

MPCB chuan, Synod inkhawmpui vawi 100-na, December 5-10, 2023 chhunga Mission Veng Kohhran biak-ina neih zawh tâkah ei leh in tur chhawp/semna atan Plastic Waste Mangement Rules, 2021 zâwma hman khat daih sarâng an hmang lo leh hman nawn theih chi chauh an hmang chu lawmawm an tih thu an tarlang bawk.