CADC Chairman a bâng

Chakma Autono-mous District Council (CADC) chairman Kali Kumar Tongchangya chuan nimin khan Governor hnenah CADC chairman aṭanga bànna a thehlut.

Kali Kumar Tong­changya hi MNF ticket-in MDC atan thlan tlin a ni a, December 8, 2023 khan MNF party aṭanga bànna a thehlut tawh. December 8 vek khan BJP MDC panga - Hirand Tongchangya, Amit Bayan Chakma, Sanjeev Chakma, Ajoy Kumar Chakma leh Parimal Chakma-te'n BJP aṭanga bànna an thehlut bawk.

CADC MDC paruk, an awmna party aṭanga bànna thehlut tate hian CADC-ah ZPM party kaihhruai sorkar siam an tum dawn nia thu dawn a ni.