H/S Games-a 1-na Aizawl Dist. (North)

Mizoram Secondary School Games vawi 40-na chu nimin khan 1st MAP khelmual, Armed Vengah khâr a ni a, School Education director Lalsangliana'n a hmanpui. Inelnaah hian Aizawl district (North) an champion a ni.

Mizoram H/S Games vawi 40-naah hian Aizawl district chu north leh south-ah ṭhen a ni a, district dang 10 nen an vaiin district 12 an tel. District 12 aṭangin H/S mi 977 an tel a, zirlai mipa 590 leh hmeichhia 307 bakah, zirtirtu 80 an ni.

Games-ah hian athletics, badminton, basketball, football, table tennis leh volleyball-ah zirlaite an inel a; a pumpuiah Aizawl district (North) chuan gold medal pali, silver medal pathum leh bronze medal pakhat lain an champion. Gold pali leh bronze pahnih latu Lunglei district chu pahnihna an ni a; pathumna chu gold pathum, silver pahnih leh bronze medal pali ve ve latu Kolasib district leh Serchhip district an ni.

Mipa best athlete chu Lalmuanpuia, Tuidam H/S, Mamit district a ni a, hmeichhia best athlete chu Sarah Lalhmingmawii, Mt. Carmel H/S, Serchhip district a ni.