AR-in a thlàwna inentirna buatsaih

Assam Rifles chuan Civic Action Programme hnuaiah Star Hospital, Hyderabad nen ṭang dunin December 14, Ningani khan Kàwlbêm khuaah Medical Camp an buatsaih a, mi 321 an inentir.

A thlàwna inentirnaah hian Kawlbem bakah a chhehvel khua aṭangin inentir turin an kal khawm a, Star Hospital-a doctor leh AR doctor-te'n an lo endik. An mamawh angin damdawi bakah hmanrua (crutch)-te an pe a ni.

Medical Camp buatsaih a nih chhan chu hmun kilkhâwr, ramri hnaiha awm mipui hriselna dinhmun hriat chian a nih theih nan leh enkawl mamawhte a ṭul anga enkawla damdawi pek a nih thu Assam Rifles chuan an tarlang.