Hotute'n CM lawmpuina hlân

Chief minister Lalduhoma chu nimin khan a pisaah Mizoram University vice chancellor Prof. Dibakar Chandra Deka leh Project Puspak (BRO) chief engineer SP Kolipey ten lawmpuina an hlan.

Chief Minister leh MZU Vice Chancellor-te hian MZU-in hma a sawn zel theihna tur thil pawimawhte an sawi dun a; Project Puspak (BRO) Chief Engineer pawhin Chief Minister chu Mizorama Border Road Organisation-in hna a thawh tlangpuite leh hmachhawpte a hrilhfiah.

Lalduhoma chuan, Project Pushpak hotute chu an kawng siamah khaw chhung kawngte ngai pawimawh ṭhin turin a chah a, an hnathawh mekte chu a remchan danin a hmuna enpui a duh thute a hrilh bawk.

CM Lalduhoma hi nimin vêk khan additional DGP Ajay Chaudhry, IPS-in a pisaah hmuin, lawmpuina a hlan a; pastor/minister pension tawh ṭhenkhatte pawhin hmuin, duhsakna an hlan bakah, ṭawngṭaina hun an hmang a ni.