Damdawi-inte thuam ṭha dawn

Health & Family Welfare minister Lalrinpuii chuan December 16, Inrinni khan Lungleia damdawi-in hrang hrang a tlawh a; damdawi-in leh health sub-centre-te thuam ṭhat a nih tur thu a sawi.

Lalrinpuii hian Lunglei Civil Hospital, Truma Care Facilites, Zobawk Public Health Centre, Sazaikawn Urban Primary Health Centre leh Hrangchalkawn Urban Primary Centre-te a tlawh a ni.

Hriselna lamah Mizoramin hma a sawn theih nan theihtawp chhuah a tum thu sawiin Lalrinpuii chuan, "Mizoram health care system tidanglam dâwrh thei turin Health department hnuaia thawkte thawhpuiah ka sáwm. Chhim lam district-te tana awlsam taka pan theih turin Lunglei Civil Hospital tih changtlun leh ICU chu damlote hman theih turin hmalak a ni ang," a ti.