Hmeichhe vote tlak ṭhatnate lawmman hlan

Serchhip district SVEEP nodal officer Lalnunmawii chuan nimin khan Serchhip district-a hmeichhe vote thlak ṭhatna hmuna MHIP branch-te hnenah lawmman a hlan. Serchhip district-a hmeichhe vote thlak ṭhatna ber chu Neihloh khua a ni a, hmeichhe voter zinga 94.95%-in vote an thlak.

Kumin MLA inthlanpui pualin Serchhip DEO leh Serchhip MHIP chuan October 25, 2023 khan thawhhona thuthlung an ziak a; thawhhona kaltlangin Serchhip district-a MHIP branch hrang hrangte chuan hmeichhe vote thlak a pun theihna turin hma an la a ni.

Vote tla a ṭhat theihna turin MHIP branch-te inelna buatsaih a ni a; vote thlak ṭhatna pathum bakah, 90% chin chung lam hmeichhe vote thlakna MHIP branch 14 a awm a, lawmmanah Rs 5,000 ṭheuh hlan a ni. Hmeichhe vote thlak 80% - 89% inkara awm MHIP branch 68 hnenah Rs 1,000 ṭheuh hlan a ni bawk.