Deputy Speaker leh MJA inkâwm

Assembly deputy speaker Lalfamkima chu nimin khan a bial chhunga Kolasib Press Club-ah lêngin, thuthar thehdarhtute nen an inkâwm a, mipui beisei anga ṭhaa hma la turin road map duan sa angin rim taka hna an thawh dawn thu a sawi.

Lalfamkima chuan, ram leh khaw­t­lang hmasawnna atan theihtawpa hmalak a tum thu sawiin, "Mipui finchhuahna, thawhpuina leh ṭawi­awmna ka ngen. Sorkar thar hi mipui sorkar a nih angin mipuiin an beiseina a sang a, mipui beisei ang ngeia ṭhaa hmalakna kalpui turin road map duan sa angin rim takin hna kan thawk dawn a ni," a ti.

Deputy Speaker chuan, mipui rorelna sorkarah chanchinbumite an pawimawh thu leh sorkar ṭha dinna kawngah an thawh hlâwk thu a sawi bawk. Lalfamkima hian Kolasib Press Club leh conference hall thar tur buatsaih mek a fang kual nghal a ni.