Assam Rifles DIG-in CM a kâwm

Assam Rifles 23 Sector deputy inspector general Brig. Girish Upadhya chuan nimin khan chief minister Lalduhoma chu a pisaah a hmu a, lawmpuina a hlân. CM chuan, Zokhawsanga an insawnna tura Mizoram sorkarin tih tur a la neih angte ziaka a hnena thlen turin a lo hrilh.

CM Lalduhoma chuan, Zokhawsanga AR ram paltlanga feh ngaite'n an feh kawng tur an neih hma chu phal taka lo paltlangtir turin Assam Rifles DIG a chah a; ruihhlo leh dan loa kuhva tawlhte danchaha tihtawp a nih theih nan ṭan la turin a ngen bawk.

Brig. Girish Upadhya chuan, Chief Minister ngennate chu a theih anga a bawhzui nghal tur thu a sawi a; Mizo ṭhalai tam zawk sipaiah an ṭan theihna tura thil pawimawhte an sawi dun bawk a ni.