CRPF hotuin Larsap leh CM a hmu

Central Reserve Police Force (CRPF) additional director general (North East) Binod Kumar Singh chuan nimin khan Governor Dr Hari Babu Kambhampati leh chief minister Lalduhoma te an pisa ve veah a hmu a, CRPF officer dangte'n an ṭawiawm.

Governor nen Raj Bhavan-a an inkawmnaah CRPF ADG Binod Kumar Singh leh a thawhpuite chuan Mizorama CRPF dinhmun te, an hnathawhte leh an mawhphurhnate an hrilhfiah a ni.

Binod Kumar Singh hian nimin vêk khan CM Lalduhoma chu CMO-ah hmuin, lawmpuina a hlân a; Indian Police Service (IPS) mi leh sa, tuna Mizoram chief minister a ni ta chu an chhuang hle tih a hrilh. Mizoramin a mamawhna kawng tinrengah ṭanpuia thawhpui turin CRPF an inpeih reng tih a sawi bawk.