No Vehicle Zone kalpui dawn

Kumin December 22, 23, 29 leh 30-ahte Aizawlah No Vehicle Zone kalpui a nih dawn thu Traffic SP Stephen Lalrinawma'n a puang.

No Vehicle Zone kalpuina tur chu Zodin Square aṭanga Chanmari (Lower Zarkawt huam telin) inkar a ni a, chawhma dar 10 aṭanga tlai dar 4 thleng kalpui a ni ang. No Vehicle Zone huam chhungah lirthei eng pawh (thirsakawr leh nawrlirh huamin) tlân phal a ni dawn lo a; damdawi-ina emergency duty leh damlohna vanga damdawi-in pante erawh a huam dawn lo.