HFW dept.-in chawimawina dawng

Mizoram Health & Family Welfare department chuan JRD Tata Memorial Award 2023 a dawng. Award hian hùnmawi (memento) leh Rs 5,00,000 a keng a, Mizoram sorkar aiawhin Dr Hmingthankimi'n New Delhi-ah December 18, 2023 khan a dawng a ni.

Sorkar thuchhuah tarlan danin, HFW department-in JRD Tata Memorial Award 2023 a dawn chhan chu, Reproductive & Child Health (RCH)-a thawh ṭhat vang leh tehna hrang hrang - nau piang thi tlemna a nih avang te, mipa leh hmeichhia piang intluk tlànna tura thawh ṭhat vang te, hmeichhe dinhmun chàwikànna vang te, nu leh naute hriselna chungchangah te, thianghlimna leh tehfung hrang hrang chi 42-ah a thawh ṭhat vangte a ni.