Faina lama hma la ṭhate chawimawi

PHE department leh Central YMA chuan nizan khan Vanapa Hall-ah faina lama hma la ṭhate chawimawina hun, ‘Faina Thlentute Ní’ an hmang a, PHE minister Lalnilawma'n a hmanpui.

Faina Thlentute Ní hi PHE secretary C Lalremsiama'n a kaihruai a; Mizoram hmun hrang hrang aṭanga thlan faina lama hma la ṭhate mi 46 hnenah chawimawina hlan a ni. Chawimawina hian thuchei, pawisa, hùnmawi (memento), thangchhuah diar leh puanchei a keng.

PHE Minister chuan, fai turin sorkar hmalakna hrang hrang duan a ni tawh ṭhin tih sawiin, "Hei hian nasa takin hma min sawntir bakah, sorkar, khawtlang hruaitute leh mimal ṭhahnemngaite ṭanrualna vang a ni," a ti a; ram leh hnam hmasawnna atan a chhunga cheng mipui an pawimawh tih a sawi.