VBSY mobile van kalpui

Lawngtlai DC Joseph H Lalramsanga chuan nimin khan sorkar laipui hnuaia mipui tana hamṭhatna hrang hrang awmte zau zawka puan chhuahna tur, Viksit Bharat Sankalp Yatra moblie IEC van a vailiam. Van hian ni 23 chhungin Lawngtlai district-a khaw 46 a tuam dawn a, sorkar laipui hnuaia scheme 17 inhrilhfiahna hun hman a ni ang.

VBSY hi nimin khan Hnahthial district tan Hnahthial North-II leh Hnahthial South-I ah ṭan a ni a, Hnahthial district-a VBSY nodal officer Neng Thianlala, SDO (Sadar)-in a hawng. Campaign hawnnaah hian sorkar laipui scheme kalpuitu line department hrang hrang bakah, bank leh gas agency-te an tel a ni.