Education Service siam tum

Chief minister Lalduhoma chuan nimin khan a pisaah Mizo Students' Union (MSU) Gen. Hqrs hruaitute a kâwm a, Mizoram sorkarin Mizoram Education Service siam a tum dawn thu a lo hrilh.

MSU hruaitute hian CM chu lawmpuina an hlan a, Mizorama zirnain hma a sawnna tura pawimawh nia an hriatte ziakin an thlen. MSU thu thlen zinga mi, Mizoram Education Service siam chung­chang chu tihhlawhtlin an tum tur thu a lo hrilh a ni.

MSU hian Mizoram budget-a college zirlaite tana an zirna kaihhnawiha zinna tur, study tour atan cheng nuai 50 dah ṭhin chu zirlai an pun zel avangin tipung turin CM an ngen bawk.