Hàlpuah hâl lo turin ngen

Mizoram Pollution Control Board (MPCB) chuan, Krismas leh kumthar vuakvetah hâlpuah leh hâlmawi hâl lo turin mi tin an ngen a, "Mihring hriselna lamah nghawng ṭha lo tak neiin, chuap, mit leh bengte a khawih pawi thei," an ti.

MPCB chuan thuchhuah siamin, India Danpui Article 21-in mi tin hriselna a humhalh tlat tih an tarlang a, "Mi dangte hriselna khawih pawi záwnga khawsak a remti lo a, a bikin kum upa lam dawráwm zawk leh naupangte hriselna khawih pawi thei zawnga chêt phei chu a rem lo lehzual. Hei vang hian Mizoram sorkar pawhin hàlpuah hàl khapna thupek a chhuah a ni," tiin an tarlang.