Vawiinah No Vehicle Zone
Vawiin hian chawhma dar 10 aṭangin Aizawlah No Vehicle Zone kalpui a ni dawn a, naktuk bakah, December 29 & 30-ahte kalpui leh a ni ang.
No Vehicle Zone kalpuina tur chu Zodin Square aṭanga Chanmari (Lower Zarkawt huam telin) inkar a ni a, chawhma dar 10 aṭanga tlai dar 4 thleng kalpui a ni dawn. No Vehicle Zone huam chhungah lirthei eng pawh (thirsakawr leh nawrlirh huamin) tlân phal a ni dawn lo a; damdawi-ina emergency duty leh dam lohna vanga damdawi-in pante erawh a huam dawn lo.
No Vehicle Zone huam chhungah chawhma dar 10 aṭanga tlai dar 4 thlengin mipui kea kalte tibuai thei turin kawngpui dung/sirah thil zawrh leh dah khap a ni.
Aizawl khawpuia No Vehicle Zone hun chhunga lirthei chet vel dan tur leh lirthei dahna tur chungchangah Traffic police-te chuan ruahmanna an siam a; chu'ng zinga a tlangpui chu a hnuaia mi hi a ni.
RUAHMANNA ṬHENKHAT
▶ Civil Hospital, Aizawl aṭanga lirthei chhuakte Dawrpui biak-in lamah kual loin, Hospital Road aṭangin Bazar Bungkawn lamah tlan theih a ni a, Saron Veng lamah kal tur.
▶ No Vehicle Zone huam china taxi stand-te chu Assam Rifles mandir ep leh Quarter Guard hnuaia parking area-ah sawn a ni.
▶ Chanmari leh Zodin Square inkarah (Lower Zarkawt huam telin) lirthei eng mah No Vehicle Zone hun chhungin dah phal a ni lo.
▶ No Vehicle Zone chhungin chhim leh hmar inkalpawhna kawngpui (main road) khar a nih dawn avangin a hêlna tura ruahman kawngpui dungah traffic jam vanga harsatna a thlen loh nan bungrua leh lirthei dah phal a ni lo.
▶ Hmar lam pan tan Zodin Square thleng tlân theih a ni.
▶ Zodin Square aṭangin Canteen Kualah AR Mandir hêlin chhim lamah kual lêt tur a ni.
▶ Chhinga Venga Tuithiang péng aṭangin Saron Veng lam panin chho zawngin tlân phal a ni lo.
▶ Chhim lam pante’n Chanmari kâwn bus stand leh Hrangbana College an pêl thei lo ang.
▶ Chanmari biak-in hêlin hmar lamah an kual lêt thei ang.
▶ Chanmari kâwn aṭangin Lower Chanmari, Lower Zarkawt lamah kal phal a ni lo.
▶ Lirthei reng reng Bazar Bungkawnah chhuah chhoh phal a ni lo.
▶ Parking - Hmar lamah:
i) Two wheeler tan Mizo High School Field, Mizo HSS Commerce department gate bul, Mizo HSS Multi Level parking hnuai ber, Hrangbana College leh Higher & Technical department office inkar, Chanmari biak-in aṭanga KFC dawr inkar.
ii) Four wheeler tan Dr Lunghnema in, Chanmari leh Chaltlang Dawrkawn inkar kawngpui zau lai sirah.
▶ Parking - Chhim lamah:
i) Two wheeler tan DC office péng leh Aizawl SP office péng inkar, Dak Inpui leh FCSCA Directorate inkar.
ii) LMV leh two wheeler tan - Aizawl South Treasury office kawt, Planning office kawt, City Park kawt kawngpui dung, Aijal Club leh Land Revenue & Settlement office inkar.
▶ No Parking:
i) Temple - Vaivakawn kawng.
ii) Vaivakawn Hunthar péng leh Company Péng inkar leh Vaivakawn - Chanmari Traffic Point via Chanmari West inkar.
iii) Bawngkawn - Sikulpuikawn inkar (via Ramhlun North - Ramhlun South - Aizawl Venglai - Electric - Chhinga Veng - Saron Veng - Tuithiang - Bethlehem Veng - College Veng - Republic Veng - Upper Republic/Treasury Square).
iv) Armed Veng - Chhinga Veng, Sapdengi in bul thleng.
v) Ramthar Sihpui - Chhinga Veng via Electric Veng