Apex Bank-in ṭanpuina an sem

Mizoram Coope­rative Apex Bank Ltd. Board Of Directors ṭhukhawmin an rèl angin MCAB, Khawzawl Branch leh Kolasib Branch-te chuan Krismas lo thleng tur pualin thilpek an sem chhuak.

Khawzawl Branch chuan nimin khan raltlan chhungkaw pakua ṭanpuina turin Khawzawl Electric Veng Branch YMA, Khawzawl Vengthar Branch YMA leh Khawzawl Dinthar Veng Branch YMA-te hnenah Rs 30,000 ṭheuh an hlan.

Kolasib Branch chuan December 20, Nilaini khan Kolasib khawpui chhunga home hrang hranga awmte'n hlim taka Krismas an lo hman ve theih nan thilpek an hlan.

Thilpek hi - TNT, Khuangpuilamah buhfai bag 6 leh alu kg 50, ASC Home, Khuangpuilamah Rs 10,000 leh chithlum mum (sweet) ṭhahnem tak leh Enna In Boys Home, Vengtharah Rs 10,000 leh chithlum mum ṭhahnem tak an pe.