CYMA-in ráltlânte Krismas thilpek a hlan

Myanmar aṭanga sahimna zawnga Mizorama rawn lut, Aizawl leh a chhehvela relief camp-a awmte hnenah Central YMA chuan nimin khan Krismas thilpek a hlàn.

Ráltlânte hnena ṭanpuina sem chhuahna inkhawm hi nimin zing khan Central YMA Hall-ah neih a ni a; buhfai ip 68, dailuah ip 15, alu ip 48, tél báwm 38 leh artui báwm 25 a ni. CYMA pisa kawt aṭangin sem chhuah a ni a, a vaiin Rs 4,00,000 man a ni.

C YMA president Lalhmachhuana chuan, Krismas thleng turah YMA-te chuan an rilru leh ngaihtuahnaah harsatna naménlo tawh vanga Mizorama rawn raltlante hnena Krismas thilpek hlan an duh tih a sawi a, "Kan theih ang tâwk kan hlan che u a, beitham hle mahse kan Krismas thilpek che u hi lawm taka min pawmsak kan duh a ni," a ti.

Myanmar lam kaihhnawih páwl hrang hrang intêl khawmna Network for Unity Association (NUA) hruaitute pawhin thu sawiin, ráltlânte aiawhin lawmthu an sawi a ni.