Police leh YMA-in dawr hrang hrangah hâlpuah vâi

Central YMA hnuaia Kumpuan Committee hruaitute leh Mizoram Police-te chuan nimin khan Aizawla dawr hrang hrangah hàlpuah leh a kaihhnawih thil, sorkarin a khapte kawl leh zuar an awm leh awm loh enfiahin an vâi a, eng emaw zat an man.

Dawr hrang hrang enfiahnaah hian CYMA Kumpuan Committee member-te leh police-te bakah, Dawrpui leh Chanmari-a local council leh YMA hruaitute an tel a; hàlpuah leh puak thei thil dangte an dap bakah, dan loa hnam dang sumdawngte an enfiah bawk. Dan loa thil ti an hmuh chhuahte chu sorkar thuneitute kutah an hlan a ni.

CYMA Kumpuan Committee leh police-te hian December 20 pawh khan joint operation neiin, hnam dangte zingah ILP an neih leh neih loh an enfiah a, ILP nei lo mi 37 an man a, Court thu angin an khaw lamah thawn kìr an ni.