Chief Minister leh DoNER Minister an inkâwm

Chief minister Lalduhoma leh Development of North Eastern Region (DoNER) minister G Kishan Reddy te chu December 21, Ningani khan biak hmuhna (video conferencing) kaltlangin an inkâwm a; DoNER sum hmanga Mizorama hnathawh mek leh hmachhawpte an sawi dûn.

CM Lalduhoma chuan, hnathawh tur thehluh tawh zingah cheng vbc. 20 sênga Berawtlanga Immersive Tourism Hub siam tur chu sorkarin tihdanglam deuh an duh thu DoNER Minister a hrilh. DoNER Minister chuan, a thlakna tura an duh ang ruahmanna a rang lama thehlut tura chahin, an lo bawhzui nghal tur thu a sawi a ni.