Mizo High School Pipe Band 1-na an ni

Eastern Zone School Band Competition, Bhubaneshwar-a December 22, 2023, Zirtawpnia neihah Mizo High School Pipe Band (Boys) chu pakhatna an ni a, Mizo High School Pipe Band (Girls) chu pathumna an ni bawk.

Intihsiakna hi Ministry of Defence leh Ministry of Education tang dun huaihawt a ni a, state level leh zonal level chu Samagra Shiksha ten an buaipui thin a, national level competition chu NCERT-in an buaipui thin. State level competition-a pakhatnate chu zonal level competition-ah an inel a, zonal competition-a pakhatnate chu national level competition-ah an intihsiak leh thin a ni.

India ram hi zone pali-ah then a ni a, Eastern Zone bika intihsiakah hian Mizoram leh hmarchhak state dangte bakah, Jharkhand, West Bengal, Odisha te an awm.

Mizo High School Pipe Band (Boys) hi national competition, January 21-22, 2024 chhunga Delhi-a National School Pipe Band Competition-ah an tel leh ang.