Cancer veite CYMA-in Krismas thilpek a hlan

Central YMA chuan vawiin 23.12.2023, Inrinni zing karah khan Zemabawka Cancer Hospital behchhana khualbuka awm mek mi 31-te tan Krismas thilpek Rs 55,000 an hlan.

CYMA hian Selz Foundation enkawl Cancer Khualbuk tan Rs 20,000 an pe a, he hmunah hian mi 13 an awm mek. Mi 19 awm mekna Cancer Veite khualbuk & Hospice Care Unit hnenah Rs 35,000 an pe bawk.

YMA Central Executive Committee member-te'n an thutkhawm apiangin thawhlawm an thawh thin a, chuta tling khawm chu cancer veite awmna khualbuka awm mekte tan an pe a ni.

Krismas thilpek hlannaah CYMA president Lalhmachhuana chuan, "CYMA chuan cancer vei khualbuka awm mekte a hre reng a, Krismas leh kumthar vuakvetah in duhzawngte in lo ei ve nan CEC meeting thawhlawm tling khawmte in tan kan rawn hlan a, hlim taka Krismas hmang turin duhsakna kan hlan che u," a ti a; an awmna hmun dam tama an chhuahsan theih nen duhsakna a hlan.