Health Minister-in Covid-19 laka inveng turin mipui a chah

India ram hmun thenkhatah Covid-19 a lèn leh mek avangin Health minister Lalrinpuii chuan fimkhur tur leh Covid-19 laka invennate ngai pawimawh turin Mizoram mipui a chah.

Lalrinpuii chuan thuchah tichhuakin, "COVID-19 vanga hun harsa tak Zoramin kan paltlang hnuin tun hnaiah khawvel ram hrang hrangah he natna hian awmhmun an la khuar cheu a. Tun hnaiah Covid hrik chhuak thar JN.1 sub-variant chu USA-a hmuh chhuah a nih hnuah India ram telin ram 40 deuh thawah hmuh a lo ni leh tak zel avangin WHO chuan ‘Variant of Interest’ ah a puang'" a ti a; tun hnaia Union Health Minister hoa meeting-ah fimkhur tura mipui zirtir thar leh tul tih a nih thu a sawi.

Health Minister chuan, Covid-19 laka invenna - hmai tuamna vuah, fai taka kut sil leh mi dangte nena inchîm tam lohte uar thar leh turin mipui a ngen a; Krismas leh kumthar hlim taka hmang turin duhsakna a hlan bawk.