Zu leh a kaihhnawih Rs 3,31,600 leihbua

Champhai district-a zu leh a kaihhnawih man Rs 3,31,600 hù chu December 23, 2023 Zirtawpni khan Champhaia Excise & Narcotics hmunah leihbuak a ni a, district bawrhsap James Lalrinchhana'n a hmanpui.

Ruih theih thil leihbuakte chu thla khat chhung, November 3, 2023 leh December 2 inkara Champhai district chhunga mante a ni a; tihchhiatna puala inkhawm chu YMA Sub Headquarter, Champhai hnuaia Kumpuan Sub Committee vice president T Lalnunsanga'n a kaihruai.

Bawrhsap chuan, thla khat chhunga ruih theih thil eng emaw zat mantute hnathawh lawmawm a tih thu a sawi a; Mizoram leh khawtlang ruihhlo laka a fihlim zel theih nan a thawktute thawhhona tha tak chu tha thlah loa chhunzawm zel turin a chah.

Ruih theih thil tihchhiatte chu - Myanmar zu BEDC litre 8.6, beer sap zu úm 156 leh rakzu litre 8.25 a ni.