Padma Shree Prof. Darchhawna a thi

Mizo pa lâr, Padma Shree dawng tawh Prof. Darchhawna chu vawiin 27.12.2023 zing dar 3:45 khan a thi a, vawiin chawhnu dar 2-ah vui a ni ang.

Thu dawn danin, Prof. Darchhawna hi thu ziak mi, historian leh theologian a ni a, lehkhabu 23 a ziak. Pachhunga College, Lunglei College leh Johnson College-ahte principal a ni tawh a, Art & Culture department-ah director thin a ni a, Mizorama NEHU campus dinnaa sûlsutu a ni.

Prof. Darchhawna hian kum 2005 khan Padma Shree a dawng a; kum 2004-ah Academy Award, kum 1998-ah Best Citizen of India, kum 2000-ah Millenium Award, km 1999-ah Shri Ganga Sharan Singh Puraskar a dawng bawk a; chawimawina dang eng emaw zat a dawng tawh bawk.

Mizo Academy of Letters hruaitu hlun niin, hun rei tak president a ni a, kum 34 chhung Mizo History Association president a ni. KTP leh YMA hruaitu hlun niin, Central YMA thlengin hruaitu a ni a, BCM-ah kohhran upa a ni.