YEF-in thisen unit 202 an pe

27th December, 2023

Kohhran Thianghlim thalai pawl, Youth Evangelical Front (YEF) chuan vawiin 27.12.2023 chhun khan an hmunpui, Solomona Temple-ah thisen pêk rûnpui an huaihawt a, thisen unit 202 an pe.

YEF hian thisen pek rûnpuiah hian Civil Hospital, Aizawl Blood Bank tan thisen an pe a, mipa 142 leh hmeichia 60 ten unit 202 an pe a ni. YEF hian kum hmasa lamah pawh Krismas zawhah thisen pek rûnpui an lo huaihawt tawh thin a, kum khat (financial year) chhunga thisen pe tha lawmmante pawh an lo dawng tawh thin a ni.