Mizorama hna thawk turin CBI hnenah general consent pek a ni

Central Bureau of Investigation (CBI)-in Mizoramah thil chhui ngaite an chhui theih nan Mizoram sorkar chuan hna thawh phalna a pe.

CBI hnena general consent pek chungchangah hian Mizoram Vigilance department chuan December 28, 2023 hian The Mizoram Gazette hmangin hriattirna (notification) a chhuah a; Delhi Police Establishment Act, 1946 Section-6 tlawhchhanin CBI mi leh sate'n Mizoramah an duh anga hna an thawh theih nan phalna (accords consent) pek a nih thu tarlan a ni.