Minister-in kawng siam mek a enfiah

Minister C Lalsawivunga chuan vawiin 28.12.2023 khan Vaphai - Saikhumphai kawng siam mek a hmunah a enfiah a; fûr ruahtuiin a tihbuai hmaa zawh hman tum turin hna thawktute a chah.

C Lalsawivunga chuan, Saikhumphai kawng siam mek chu ram ro tling ni ngei tura thawh a nih theih nan uluk taka vil a nih tur thu leh mipui tana chhenfâkawm tak a nih theih nan tha taka thawh a nih ngei a beisei thu a sawi.

Kawng chu ramria inkalpawhna tur kawng pawimawh tak a nih dawn avang leh zin veivâk leh bungraw phur lirthei lian tak tak pawhin an zawh a la ngaih dâwn thu sawiin, "Fùr ruahtuiin a tihbuai hmaa zawh hman a nih theih nan a rang lama hnathawh chhunzawm a ngai," a ti.