Sports Minister leh NCC hotu inkâwm

Sports & Youth Services minister Lalnghinglova Hmar chu vawiin 28.12.2023 a pisaah NCC additional director general Maj. Gen. Gagan Deep leh NCC hotute dangte a kawm a, Mizo thalaite tan NCC kaltlanga huam zau zawka hmalak dan tur an sawiho.

Sports Minister chuan, NCC chu thalaite tan thil tha tak, mahni inrintawkna, mahni inthununna leh nun kaihhruaina tha inzirtirna a nih thu sawiin, NCC chu Mizo thalaiten an tangkaipui hle thin nia a hmuh thu NCC hotupa a hrilh. Ruih theih thil laka thalaite an fihlim theih nan leh nun kawng dik an zawh theih nan NCC chu thalaite tan hmanraw tha leh tangkai tak nia a hriat thu sawiin, NCC kaltlangin Mizo thalaite sipai officer-ah tam zawk an luh thei dan kawng dappui turin NCC hotupa hi a ngen a ni.