Myanmar sipai 150 vel Mizoramah an rawn tlanchhia

Vawiin 29.12.2023 chhun khan Myanmar sipai 150 vel chu sahimna zawngin Mizoramah an rawn lut a, Tuisentlanga awm Assam Rifles kutah an tlu lut a, an zinga eng emaw zat an hliam.

Lawngtlai district atanga thu dawn danin, December 28, 2023 (Ningani) khan Lawngtlai district-a Myanmar ramri dep khua, Parva atanga hla vak loa Myanmar sipai camp chu Myanmar Peoples Army-in an bei a, an la zui a; camp-a awm Myanmar sipaite chu tlanchhiain, Mizoramah an rawn tlanchhe lut a ni.

Vawiin chhun lama Myanmar sipai Mizorama rawn tlanchhiate chu mi 83 an ni a, an ralthuamte nen Tuisentlanga Assam Rifles kutah an tlu lut a ni. A hnuah mi 68 an rawn lut leh bawk.

Myanmar sipai zingah hian hliam eng emaw zat an awm nia thu dawn a ni a, he thu ziah lai, Zirtawpni zan thleng hi chuan AR kutah an la awm a, an awm zel dan tur sawi chian theih a la ni lo.