Sports Minister-in football khelmual siam mek a enfiah; international standard-a siam tur a nih thu a sawi

Vawiin zing khan Sports & Youth Services minister Lalnghinglova Hmar chuan Tuivamit leh Durtlanga Aizawl Smart City Limited sum hmanga football khelmual siam meka hmalak dante a enfiah.

Lalnghinglova chuan, Tuivamit field chuan metres 96 - 46 standard football ground size a phak loh avang leh a hmunin a zir avangin international standard 100 metres by 65 metres a siam tur leh chutiang ang chuan hna hi thawk turin a ti.

Durtlang Field chu standard international size tlinga duan a nih avangin lawmawm a tih thu sawiin Minister chuan, "Siamrem a ngai loa, he field hi Mizorama field rem pawl tak, international leh national tournament dawl thei niin a lang,'' a ti a, sorkarin ro tling tura chei leh enkawl a duh thu a sawi.

Sports Minister hi Aizawl Smart City Limited CEO CC Lalchhuangkima leh a thawhpuite, Mizoram State Sports Council secretary John Tanpuia, Mizoram Football Association hruaitute leh khawtlang hruaitute'n an \awiawm a ni.