Mipui him nan Police-te Aizawl hmun hrang hrangah zan tin an duty

Aizawl SP Rex Zarzoliana chuan Krismas hunpui laiin Traffic dan bawhchhia mi 131 pawisa chawitir an nih tawh thu leh kumthar lo thleng turah mipui him nan Police-te khawlaiah zan tin an duty mek thu a tarlang.

SP tarlan danin, Krismas hunpui laiin Traffic Police-te'n dan bawhchhia mi 131 an man a; an pawisa chawi tling khawm pawh Rs 1,26,000 a tling.

Aizawl SP chuan, kumthar lo thleng turah mipuite an him nan leh hlim taka hun an hman theih nan Aizawl District Police-te chu zan tin tlaivarin, khawpui chhung hmun hrang hrangah ngawrh taka an duty mek thu a sawi a, "Aizawl khawpui chhung hi zone pali ah \henin veng hrang hranga kal kual tur 'team' 18 siam a ni a, zan tin tlaivarin an area chhungah patrolling neih \hin a ni. Heng bakah hian Mobile Flying Squad-te'n bike-a chuangin veng hrang hrang an tlawhkual \hin a, chhun lamah pawh Police Station tin staff-te'n anmahni area \heuhah chhun leh zan patrolling an kalpui reng a ni," a ti.

Kumhlui thlah zan lo thleng turah Aizawl khawpui daifem hmun \henkhat chu Prison Van nena tlawh tura ruahmanna siam a nih thu tarlangin Aizawl SP chuan, "Hunpui laia mipuite kan lo him zawk nan Aizawl District Police-te leh Traffic Unit-te chuan ngawrh zawkin hma an la mek a, two-wheeler khalhtute helmet khum tur leh a chuang thei aia tam chuang lo turin kan inchah bakah, lirthei khalhtute kan him zawk nan rui chunga khalh lo turin kan inchah," a ti a, dan phal loh anga awmte lakah dan anga hmalak zel tur a nih thu a sawi.

Halpuah leh a kaihhnawih phal loh thil zuar emaw, hal emaw an awm chuan mana thubuai siam sak an nih dawn thu a tarlang a; khapna thupek bawhchhiate chu a hnuaia phone number tarlanah hian hriattir tura mipui ngenin, "Mipuite kumthar lawmna hlimawm tak kan neih theihna tur a Police, Traffic Police leh tlawmngai duty-te theihtawpa min pui tur leh kan himalaknate min \awiawm turin kan inngen a ni," a ti bawk.

KHAPNA DAN ZAWM LOTE REPORT-NA TUR

Aizawl PS : 8794747291

Bawngkawn PS : 8794747292

Vaivakawn PS : 8794747293

Kulikawn PS : 8794747294

Zonuam OP : 8794747295