Mizoramah oil depot siam turin CM-in IOC hotu a ngen

Chief Minister Lalduhoma chuan vawiin 30.12.2023 hian a pisaah Indian Oil Corporation Limited general manager (Retail Sales, NE)

RK Sahab leh a thawhpuite a kàwm a; Mizoramah tuialhthei dah khawlna (oil depot) a rang lama neih dan ngaihtuah turin a ngen.

Chief Minister chuan, Mizoramah tun thlengin oil depot a la awm loh avangi mamawhna a sang thu a sawi a, "Ramria innghirnghona a awm cháng te, kawngpui dan a nih cháng te, khuarel chhiatna vanga kawngpui a pin cháng tein mipuite'n harsatna kan tâwk fo thin. Hetiang harsatna kan tawh thin hi rang taka chinfel thuai kan duh a ni," a ti.

IOC General Manager chuan, ram hman tur remchang a awm phawt chuan hma an lak nghal theih tur thu CM a hrilh a; a remchan chuan rél hmanga phurh thlen theihna hmun a that ber thu te, a lo berah ram acre 25-a zau tal a tul thu te, mihringin an chîm lutuk lohna hmun a that thute an sawi.

CM Lalduhoma chuan, ol depot tur ram chungchangah harsatna a awm loh a beisei thu sawiin, FCSCA Minister a rang lama a sawipui tur thu a a sawi a ni.