Kum 2023-ah Covid-19 vei mi 600 hmuh a ni

Kum 2023 chhung khan Mizoramah Covid-19 vei mi 600 hmuh chhuah a ni a, an zinga mi pariat chu an thi a, mi 592 chu dam takin an awm zui leh.

IDSP, Mizoram chhinchhiah danin, kum 2023-a ni 365 chhung khan Cocid-19 vei leh vei loh endikin mi 3,810-te swab sample endik a ni a, chu'ng zinga mi 600 chuan hripui an vei a, positive rate chu 15.75% a ni. Covid-19 positive zinga mi 592 chu an dam ṭhat leh laiin, mi pariat an thi a, death rate chu 1.33% a ni.

Kum 2023-a thla 12 zingah January, November leh December-ahte Covid-19 positive hmuh a ni lo a, November thla hnuah positive hmuh a ni tawh lo.