Aizawl kawtchhuahah wholesale market pali din a ni dawn - Agriculture Minister

Agriculture minister PC Vanlalruata hoin Agriculture department hotute'n nimin khan kum 2023-24 chhunga kut hnathawktute hamṭhatna tur sorkar laipui scheme hrang hrang hmanga hmasawnna hna kalpui dan tur an sawiho. Minister chuan, Aizawl kawtchhuahah wholesale market pali din a nih dawn thu a sawi.

PC Vanlalruata chuan, agriculture marketing lamah nasa taka hmalak a ngaih thu sawiin, "Hemi tihlawhtling tur hian a ṭul anga hmalak a ni ang a, thingtlang kut hnathawkte'n an thlai thar awlsam zawka an hralhna turin Aizawl kawtchhuahah wholesale market pali din a ni dawn," a ti a; Agriculture depart­ment-in kut hnathawktute hamṭhatna tur scheme hrang hrang a kalpui mekte awmze nei lehzuala kalpui a nih theih nan theihtawp chhuah turin kal khawmte a chah.

Ṭhutkhawm hi Agriculture secretary H Lianzela'n a kaihruai a; kut hnathawktute tana hamṭhatna central scheme chi hrang hrang Agri-culture department-in a kalpui mekte leh a hmachhawp mekte sawiho nih bakah, kum 2024-25 chhunga hmalak dan turte sawiho a ni.