Myanmar sipai 151 phurh haw an ni; Myanmar sipai 252 an rawn tlanchhe tawh

Mizoram chhim tawp, Parva epa awm Myanmar sipai 151 chu December 29, 2023 khan Mizoramah an rawn tlanchhia a, January 2,  awhlehni khan Myanmar thlawhtheihna hmangin Lengpui Airport aṭangin an ram lamah phurh haw an ni. November 2023 hnuah Myanmar sipai 252 Mizoramah an rawn tlânchhe tawh.

Parva ep maia awm Myanmar sipai camp, Myeik Wa Camp an tih chu December 28, 2023 khan Myanmar Peoples Army (Arakan Army)- te'n beiin an luhchhuah a; Myanmar sipaite chu an camp chhuhsak an nih avangin an tlanchhia a, December 29 khan Tuisentlang khuaah lutin, Assam Rifl es hmunah an tlu lut a ni.

A tirah chuan mi 83 an rawn lut phawt a, zan lamah mi 68 an rawn lut leh bawk a, an vaiin mi 151 an ni. An zingah hliam mi pakua an awm a, an zingah na zual deuh mi pali an awm.  u dawn danin, Myanmar sipaite chu Mizoramah zan li an riah hnuah Myanmar sorkar rawn tirh thlawhtheihnain January 2 khan ṭum hnih a rawn phur chhuak a; a ṭum khatnaah sipai 84 phur hawin, a tum hnihnaah chawhnu dar 3:25-ah sipai 67 a rawn phur chhuak leh a ni.

Myanmar sipai 151-te hian ralthuam eng emaw zat an rawn luhpui a; chu'ngte chu - hand grenade 374, rifl e 93, pistol 17, rocket propelled grenade (RPG) pali, mortar pali, medium machine gun (MMG) pahnih, light machine gun (LMG) panga leh sniper rifl e pali a ni.

Myanmar ram tualchhung buainaah November 2023 aṭang khan mipui sipaite'n Mizoram hnaiha Myanmar sipai camp an la nual tawh a, chuvang chuan Myanmar sipaite ṭum li Mizoramah an rawn tlanchhe tawh a, an vaiin sipai 252 an ni.

MYANMAR SIPAI MIZORAMA TLANCHHIAT DAN

1. Chin Defence Force-te'n Rihkhawdar leh Ṭiau-Khawmawia Myanmar sipai camp an lak avangin November 12-13 chhungin sipai 42 Zokhawtharah an lut a, November 13-ah Assam Rifl es-te'n Hnahlan aṭangin Indian Air Force helicopter hmangin an thawn haw.

2. Chin National Defence Force-in Tuibual khuaa Myanmar sipai camp an la a, sipai 29-te chu tlanchhiain, November 16, 2023- ah Saikhumpui, Vaphai an lut a, November 19-ah Vaphai aṭangin Assam Rifles-in helicopter hmangin an thawn haw.

3. Chin National Army kaihhruaiin CDF-Mara, CDF-Lautu, CDF-Zophei leh CDF-Matupi ten November 28, 2023-ah Lailenpi khuaa Myanmar sipai camp an la a, Myanmar sipai 30 chu tlanchhiain, Saha district-a Laki khuaah an lut a; November 29-ah Assam Rifl es-in Tuipáng aṭangin helicopter hmangin an thawn haw.

4. Myanmar sipai camp, Myeik Wa Camp chu December 28, 2023-ah Myanmar Peoples Army (Arakan Army)-te'n beiin an la a, Myanmar sipaite chu tlanchhiain, December 29 khan sipai 151 chu Tuisentlang khuaa Assam Rifl es hmunah an tlu lut. January 2, 2024-ah Myanmar sorkarin an thlawhnain Lengpui Airport aṭangin a rawn phur haw