Mizoram inthlanpuiah candidate-te'n sum hman phal chin hmangah ngai

Mizoram Legislative Assembly General Election 2023 neih zawh tâka candidate-te sum hman dan chu Krismas leh kumthar bawr vel khan Lunglei, Siaha, Champhai leh Khawzawl district-ah election expenditure observer-te kaihhruaiin endik (account reconciliation) a ni a; district pathumah chuan candidate-te'n dik takin campaign senso an hmang tih tarlan a ni.

Lungleiah chuan December 30, 2023 khan DC conference hall Lunglei district-a assembly constituency paruk - Lunglei North, Lunglei East, Lunglei West, Lunglei South,  orang leh West Tuipui biala candidate mi 27-te'n campaign-na atan sum an hman dan endik a ni. Election observer SK Meena bakah, Additional District Election Offi cer, Election Offi cer, Nodal Offi cer, Election Expenditure Monitoring, ARO, AEO leh candidate agentte an tel a; candidate expenditure register, shadow observation register leh bank statement-te endik a ni.

Siahaah chuan December 29, 2023 khan election expenditure observer Dev Prakash Bamanavat hoin DC mini conference hall-ah Account Reconciliation neih a ni a; Saiha leh Palak biala candidate mi pakuate sum hman dan endik a ni. Candidate-te account bu (candidate expenditure register) te, accounting teamin an vawn shadow observation register leh bank statement-te endik a ni a, candidate-te'n inthlana hman tura bituk zat (cheng nuai 28 thleng) chu dik takin an hmang vek a ni tiin an pawm.

Champhaiah chuan DC Conference Hallah Champhai North, Champhai South leh East Tuipui biala election expenditure observer Abhishek J Jain hoin sum hman dan enfi ah a ni a; candidate mi 10-te'n inthlana hman tura bituk zat cheng nuai 28 thleng tih chu dik takin an hmang vekah an ngai.

Khawzawlah chuan account reconciliation hi election expenditure monitoring nodal offi cer Lalfakzuala hoin DC Meeting Hallah neih a ni a; Tuichang biala candidate mi palite'n senso theih bituk zat cheng nuai 28 chu dik takin an hmang vek tih pawm a ni