Jail tâwt tihziaawmna atan táng mi 27 sawn a ni tawh

Mizorama jail ṭhenkhat tâwt lutuk tihziaawmna atan mi tángte tànna hmun siam rem a ni a, kum 2023 chhung khan mi 27 tànna hmun sawn a ni.

Mizoramah jail 10 a awm a, ṭhenkhat a tâwt viau laiin, ṭhenkhat a tháwl thung a; Prison thuneitute chuan jail tâwt lutuka mite chu siam rem a, mi táng an thàwlna jail-ah sawn turin an lo rél tawh a ni.

RTI Act tlawhchhana zawhna Prison SPIO-in a chhàn danin, kum 2023 chhung khan jail-a táng mi 27 chu an tànna hmun sawn a ni a; November 23 khan Lunglei District Jail-a táng mek mipa 10 chu Lawngtlai District Jail-ah sawn an ni.

November 28 khan Central Women Jail-a táng mek hmeichhia pakua chu Mamit District Jail-ah sawn an ni a; Central Women Jail aṭang vêk hian December 1 khan Serchhip District Jail-ah mi pariat sawn an ni bawk.