KHAWTHLIR

Aviation hotute leh CM inkâwm

Chief minister Lalduhoma chu nimin khan Delhi Mizoram House-ah sorkar laipuia Civil Aviation secretary Vumlunmang Vualnam leh chief financial controller Vanlaldina Fanai ten an kâwm. Inkawmnaah hian Airport Authority of India emaw, Adani Group emaw hnena Lengpui Airport hlan chungchang te, Mizorama helicopter service leh helipad ṭha zawk neih dan turte sawiho a ni.

Làmzáwl jubilee

Minister of state F Rodingliana chuan nimin khan a bial chhunga Làmzáwl khaw kum 50 tlin lawmna leh haw rûnpui, Lamzawl community hall-a buatsaih a hmanpui. F Rodingliana chuan, party rilru dahṭhaa kalphung thar nen hmalak a ṭul thu sawiin, "Êng chhit man kum tina pung ṭhin a pung tawh lo tur ringawt pawh mipui tan malsawmna a ni a, malsawmna zár zo zel turin mipui pawh ṭan lak zel a ṭul. Sorkar tharin policy tihlawhtling turin mipui ṭawiawmna leh ṭawngṭaipuina a mamawh a ni," a ti.

Hnathawh enfiah

Deputy speaker Lalfamkima chuan nimin khan a bial chhunga Kolasib District Hospital a tlawh a, khum 100 awm theihna tura sak meka hnathawh dan a enfiah. Lalfamkima chuan, pawl ṭhenkhatte'n damdawi-in sakna atana hmanrua an hman chungchangah duhthu a sam lo tiin a hnenah an thlen thu a sawi a; hna thawktute chu hmanraw ṭha lo hmang lo turin a chah a ni.