END-in kum 2023 chhungin zu lt. 94,609 leh úm 33,680 an man

Excise & Narcotics department (END) chuan kum 2023 chhung khan zu chi hrang hrang litre 94,609 leh úm 33,680 an man.

END hian January-December 2023 chhung khan rakzu litre 93,969.230 an man bakah, zu bilh lai ṭín 2,03,623 an man a, zu siamna hmanrua - bél 2,910 leh dawidim kg. 604.643 an man a ni.

END hian nikum chhung khan sapzu úm 33,680 an man a, úm puitling 25,383 leh úm puitling lo 8,297 a ni. Sapzu an mante chu India rama siam - Indian made foreign liquor (IMFL) ûm puitling (ml. 750) ûm 24,690, a chanve ûm (ml. 350) ûm 3,746, ml. 180 ûm 4,551 bakah, ram danga siam - foreign made liquor ml. 1,000 ûm 53 leh ml. 700 ûm 640 a ni.

Beer (ml. 650) ûm 932 leh bûr 47,930 an man a, Myanmar zu (BEDC) litre 640 an man bawk.