Revd Chuauṭhuama vui a ni

Revd Chuauṭhuama (76) h/o Lalchhumi, Ramhlun Venglai chu January 4, Ningani zan dar 10:20 khan lung ṭha lo vangin Ebenezer Medical Center-ah a thi a, zanah an inah lumen a nih hnuah nimin khan vùi a ni.

Revd Chuauṭhuama hi nimin chawhma dar 11 khan an inah thlahna hun hman niin, bialtu pastor Rev. ZD Lalhmachhuana'n hun a hmang a; chawhnu dar 1-ah Ramhlun Vengchhak Kohhran biak-inah Synod moderator Rev. R Vanlalnghaka'n a vûi.

Revd Chuauṭhuama hi Vanglaini chan­chinbu-ah columnist niin, 'Revd Chuau­ṭhuama Huang' tihah chawlhkar tin Inrinni apiangin a thuziak tihchhuah a ni ṭhin a; August 19, 2013 khan a thuziak tihchhuah ṭan a ni a, kum 10 leh thla li vel chhungin a thuziak 500 chuang tihchhuah hman a ni.